PENSIERINO DELLA SERA

L'amore è quell'attimo che non aspetta nemmeno un secondo, l'amore è quel nodo d'argento vivo che lega gli occhi al cuore, tutto quello che si guarderà dal cuore si guarderà dagli occhi.

VURRISSI... di Nino Martoglio

VURRISSI...

(tra 'na "spagnola" e un marinaru)

– Fazzoletti di tela e di battista,

scialli di seta a tombolo, merletti!...

– (Ch'è bedda 'sta «spagnola»!  Comu a chista

non nn' haiu vistu mai! E chi su', russetti,

o puma làppii?) – Fiori per modista!

– Piss, piss!.. Chi nn'hai... nn'aviti... lei... quasetti?

– Calzette? No. Tutta roba di vista...

Comanda?... No? Copripiedi per letti!

– Piss, piss! – Da capo?... Dunque... cosa cerca?

– (E 'ncugna!... A mia cu' mi lu fici fari?

Mi sentu quantu 'ncocciu di cicerca!)

– Addio! – No, no... Sintiti 'na parola!

Vurrissi... – E dite su!... Son begli affari!...

– Vurrissi... un vasuneddu a la spagnola!...

Note. – Si chiamano comunemente spagnole, in Sicilia, quelle zingare che vanno in giro a vendere trine, merletti, ricami ed altro, perchè vestono il semplice e bizzarro costume catalano. – Russetti (quel rosso naturale che adorna le gote: pomelli) – Làppiu (àppio; qualità di mela dolce e colorita) – 'Ncugna (da 'ncugnari: avvicinarsi, appressarsi) – Cu' (chi) – 'Ncocciu (un granello) – Cicerca (sorta di legume simile al pisello, cicerchia) – Vurrissi (vorrei) – Vasuneddu a la spagnola (i bimbi di Sicilia chiamano alla "spagnola" il baciarsi stringendosi scambievolmente le guancette tra il pollice e l'indice).

PENSIERINO DELLA SERA - armando carruba -

All'omu fermu la parola dacci e accumpagnalu ccu cannili e torci, ma su vidi ca ti fa ddu facci, dicci ca va pratica cche' porci. . .

SITI D'AMURI - armando carruba -

SITI D'AMURI

'U suli trasìu ammucciuni
ddà matina
c'aspittavumu assittati
darreri 'a porta
'o 'spitali.
Idda
'ntò scuru ddà vita
nun potti firmari
'u ventu
ca 'a purtava luntanu.
Nuautri
ristammu muti
a taliari 'u suli.
S'abbanarica ma'...

Armando Carruba.

Ricordando l'amica Ines - armando carruba -

INES

E vinni accussì ‘u dui nuvembri
ppi tia ‘na jurnata emoziunanti,
quanti voti dicevuti all’amici:
“Ccu nasci ‘u dui nuvembri è filici!”
Filici ti vidu dda’ supra in celu
ca ridi e jochi ccu l’ancili in volu
palumma senza ali ssì, janca janca
sempri currennu cuntenta, mai stanca.
Auguri di cori ‘ntà ‘sta jurnata
Ca riorda ‘i morti ‘i ‘na vita
Tu no, ssì viva ‘ntò cori dill’amici
Auguri Ines d’essiri filici. . .

SITI D'AMURI - armando carruba -

Amu 'u mari d'Arinedda
'u pinzeru curri a tia
ca ssì luntana ...
Chi gioia ddu' jornu
quannu abbrazzati ddo' mari
i nostri cori
ridevunu cull'acqua salata!
Quanta biddizza e ducizza
'ntì tia...
Jorni passati
di 'n tempu filici
ca nun torna cchiù

Armando Carruba

PENSIERINO DELLA SERA (ppe' fimmini) - armando carruba -

L'omini sunu comu 'i scarpi dde' fimmini cco' taccu... Ci sunu chiddi beddi ca fanu mali, chiddi ca appena ì talìì 'ntà faccia nun ti calanu mancu cc'un bicchieri ì acqua, chiddi ca mai e poi mai si mettunu ccu' tia, chiddi ca 'n partenza ti levanu i sintimenti, ma poi capisci ca nun hanu nenti di nenti ma nenti assolutu... e poi ci sunu chiddi ca nun ti stancassutu mai d'avilli cu tia...

Occhiu vivu comu 'a sarda motta