VUGANNU
Signuruzzu beddu, Diu di la Cruci
Tu ca guverni omini e cosi
manna 'u ventu 'a favuri dda' varca
ca sugnu vecchiu 'u rimu mi stanca.
Di picciriddu mi vuscu 'a jurmata
avanti e arreri, Ortigia e Burgata
quannu mi stancu m'assettu 'a scalidda
mi spizzulìu stu pani e cipudda;
ppi cuminciari nautra varchiata
purtannu genti cca fattu la spisa
ca tutti 'i matini ci senti diri:
Cu sti prezzi nun si po' campari!
Nun si campa, e tiramu avanti
purtannu sempri cchiù picca genti
ca pari ssu fatti di ghiummu
ti fanu abbuddari 'u rimu 'o funnu.
Nun mi lamentu ppi stu travagghiu
sulu ca soffru 'ocche malannu
e se 'n jornu a mari nun putissi jri
fammi sta grazia Diu fammi muriri.
Armando Carruba
Vedo e contemplo immagini limpide e incisive leggendo questi versi.
RispondiEliminaGrazie, Armando. Un salutone, Mariano
Grazie a te Mariano per leggere questo ricordo tutto siracusano di un lavoro che s'erano inventato anziani pescatori e che il progresso inevitabilmente ha cancellato.
RispondiEliminaCiao!
i ricordi restano nella testa il tempo passa solo gli anziani ci pensano un altra generazine arriva pure l oro avronno i loro souvenir un saluto per te ciao coluccio
RispondiElimina