Ogni bona mugghieri di carritteri si suseva quannu ‘u maritu ‘mpajava, ci dava ‘a truscia e ‘na buttigghia ‘i vinu, e cci ricurdava di diri ‘a prijera ‘i San Giulianu:
“Ti raccumannu maritu miu,
bon cristianu,
si vo’ junciri sanu,
‘u patrinnostru a San Giulianu.”
San Giulianu ‘u ‘Spitaleri (9 jnnaru) santu prutitturi di ogni viaggiaturi, chiddu chi ‘i porta ‘n sarvamentu.
San Giulianu ‘nta l’àuti munti,
varda li passi e poi li cunti;
tu ti vardasti l’acqua e la via,
vàrdami a mia e ‘a me’ cumpagnia
Nessun commento:
Posta un commento