COLAPESCE

Cola è di Messina ed è figghiu di un piscaturi di Punta Faru. Cola havi nu granni amuri: 'u mari e amanti macari dde' pisci, a puntu tali ca jetta a mari tutti chiddi ca so' patri pisca ppi falli campari 'nta l'acqua. Malidittu 'i so' matri ca nun nni puteva cchiù, Cola si tramuta in pisci. 'U picciottu cancia nomu e addiventa Culapisci, campa sempri 'nta l'acqua e ddi rari voti ca torna a terra cunta tutti i meravigghi va vidi 'o funnu ddo' mari. I marinara c'addumannanu informazioni ppi scanzari timpesti e fu nominatu palummaru ddo' capitanu 'i Missina. 'U canusciunu tutti, tantu ca 'n jornu u vosi canusciri 'u Re di Sicilia Federico II ppi vidiri la so' capacità. Quannu s'incontranu 'u Re jetta a mari na coppa d'oro e dici a Cola di jlla 'a pigghiari. 'O ritornu Cola cunta di un paesaggiu marino c'ha vistu e 'u Re c'arriala 'na coppa. 'U Re decide 'i jttari a mari 'a so' curuna e 'u picciottu ci sta ddu jorna e ddu notti ppi ripottaracilla; e ci cunta cc'ha vistu a Sicilia appujata su tri culonni, una robustissima. l'autra danneggiata e a terza scrocchiolanti a causa di un focu magicu ca nun si stutava. 'U Re curiusu jetta a mari 'n aneddu e addumanna 'o picciottu di jiri a pigghiallu. Cola è tra u sì e u no, ma si jetta 'nta l'acqua e dici 'a genti ca su avissunu vistu acchianari a galla lenticchi e aneddu, iddu nun sarebbi mai acchianato. Dopu ne para di jorna, l'aneddu e 'i lenticchi acchianaru, ma 'u picciottu no e u Re capìu ca u focu magicu c'era veramenti e Culapisci ristò sutt'acqua purtannu 'nta spadda a culonna danneggiata: Ppi chistu ca quannu Cola cancia spadda, in Sicilia succede un tirrimotu...
Larga 'a fogghia stritta 'a via diciti 'a vostra ca dissi a mia.