I PICCIOTTI SI FICIRU ZITI

L'annunziu ddo' zitaggiu, era un veru e propriu ritu, si jeva dicennu ccu gioia di cori e ccu cunvinzioni ca s'era scelto bene e ricevennu tanti e tanti "pròsita veru!" ppa' famigghia e ppi li ziti ccu l'auguriu di tanti figghi. Dopu qualchi jornu si faceva na festa in casa dda' zita, ppà "misa d'aneddu" e vinevunu invitati i parenti e l'amici e qualchi vicinu di casa. Ppi 'sta festa s'offriva di solitu cosi duci, ciciri e favi caliati, 'u tipicu rosoliu e qualchi bicchirinu di marsala e nun havunu 'a mancari i cunfetti virdi.
Quannu si fistiggiava a misa di l'aneddu, spissu qualchi zitu romanticu s'improvvisava pueta 'nto mettiri l'aneddu a zita e recitava timidamente qualche verso. Dei versi datati 1940 alla zita Carmela 'u zitu accussì ci dissi:
Carmiledda accetta 'u signu di lu mè amuri
ca veni di lu funnu ddo' me' cori
chistu è un mumentu troppu raru e beddu
pirchì ti fazzu mia ccu st'aneddu
Mancu a dillu, applausu ed allegramenti si cuntinuava a ballari sinu a notti. Se, e sottolineo il se, anzamai li ziti vulevanu fari 'na passiata 'o curcu ddo' paisi... s'avunu a purtari appressu: i matri, i soru, zii e cugini/e etc etc.
Quannu jeva bona, a cuntrullari i ziti, c'erano solo due mamme e qualchi soru, che seguivano a una distanza da poter controllare qualche mossa "proibita". I fidanzatini, avevano modo di parrari, di cuntarisi esperienze di vita, senza 'ssiri ascutati, ma qualche carezza solo furtivamente!!!