Si cunta ca 'na siciliana cco' sò picciriddu vinni a priari 'a Madonna niura di Tindari, truvata ppi casu dai piscatura.
'A fimmina, quannu vitti 'a Madonna arristò senza paroli, macari ca 'a statua dda' Madonna ha scrittu: NIGRA SUM SED FORMOSA, "sugnu niura ma bedda" e ci vinni ddo' cori a dire:
Hàju vinutu di luntana via
ppi vidiri a una cchiù laria di mia!
Ma appena dissi 'sti paroli, vutannusi nun truvò cchiù 'u picciriddu. Disperata s'addunò ca 'u picciriddu era a mari 'ntra l'unni auti. Di cursa versu 'u mari ppi pigghiallu... e chiussai curreva e chiussai l'unni si ritiravanu lassannu 'a spiaggia, accussì 'sta povera fimmina ha potutu affirrari 'u figghiu e tornari a riva.
A prova ddo' miraculu di 'sta liggenna si ponu viriri i laghetti di Marineddu.
Stretta la foglia e larga la via, diciti 'a vostra ca dissi 'a mia.
Nessun commento:
Posta un commento