PROVERBIO IN VERSI - Cervantes

COSA GODUTA NUN E' CCHIU' APPRIZZATA
Cervantes (Perrotta)

L'omu di so' natura è furaturi
e stu difettu vinciri nun pò,
cà pri la roba d'autru senti amuri
cchiù assai di comu fussi roba sò.

Cu li fimmini fa lu cacciaturi,
ma sempri 'n casa d'autru cacciò.
La so' donna spusò cu' gran firvuri,
ma nun appena l'appi... arrifriddò!

Nun vi fidati mai di l'omu zitu,
pirchì l'amuri è comu la 'zalata:
cchiù s'arrimina e cchiù sapi d'acitu!

Cosa goduta nun è cchiù apprizzata;
e cu' una bedda mogghi lu maritu
spissu assicuta 'na brutta criata!

Cervantes (Perrotta)

COSA GODUTA NON E' PIU' APPREZZATA - L'uomo per la sua natura è predatore e il suo difetto vincere non può, chè per la roba d'altri sente amore che per la sua non sente no. Con le femmine fa il cacciatore, ma sempre in casa d'altri egli cacciò. La sua donna sposò con gran fervore, ma non appena l'ebbe... raffreddò. Non vi fidate mai dell'uomo faceto, perchè l'amore è come l'insalata: più si mescola e più vi sa d'aceto. Cosa goduta non è più apprezzata; sicchè alla bella moglie il marito sostituisce una serva malnata.