poesia dialettale

U gilataru. (Davide Sciacca) da Poesicula

Frisca frisca 'u gilataru
ccu la bedda lapicedda
'i jurnati s'abbissaru
ppi tastari 'a briuscedda.

Passa sempri 'a stissa ura
ccu dda musica amiricana
si lu pigghi ca primura
'u ssicuti ppi na simana.

Femma e 'nficca ne vaneddi
ppi puttari lu gilatu
e accuntenta i fimmineddi
ca ci calunu lu quatu.

Avi sempri 'u ciuculatti,
turruni e fraula a vuluntà
quannu ti spiccia iddu patti
e friscannu si ni và!

Gilataru frisca e fui
cà la stati già arrivau:
Ora pigghiti sti soddi
ca stu gilatu mi squagghiau!