POESIA SICILIANA

NA CASUZZA SUPRA ‘I MUNTAGNI

Unni spunta ‘u suli ‘a matina?

ddo’ livanti spunta certamenti,

quarìa ‘a terra, l’aria è fina

‘n celu acchiana lentamenti.

‘U viru spuntari da me’ casuzza

supra ‘i muntagni ‘mmenzu a vigni.

‘u campu è granni, l’aria frisca

sta biddizza ‘i unni vinni?

Chista è ‘a terra c’haiu ‘ntò cori

duci, bedda e china d’amuri,

senza duluri e mancu lamenti

senza tristizza e patimenti

travagghiu senza malincunia

ma ccu piaciri e maistria.

Ca! canusciu di nicaredda

l’amuri ppi sta vita bedda

Ca! mi vogghiu maritari

ppi famigghia e figghi aviri,

ssi tuttu chistu nun si po’ avvirari

stu mé travagghiu cco’ fazzu a fari?

Angela SACCONE