Sali, poi sali e poi sali.
E sulu muntagni di sali!
Pinsari, pi' ogni palata,
quanti spaghetti cunnisci
la genti 'nt'o munnu, ch'è nata
luntanu di Trapani mia!
Sali, poi sali e poi sali!
Di picciuli... un pizzucu sulu
e 'nveci, di sali... palate!
Haiu l'occhi abbruciati du sali,
li manu sirrati du sali
e puru 'u suduri è di sali!
E diri, ca 'u mari putissi
nun darimi sali,ma pisci,
... magari salatu!...
E inveci, di mia s'à scurdatu!
E restu, tra 'u suli e lu sali,
sugnannu muntagni di nivi,
sugnannu... e poi lu sciroccu,
ti squagghia la nivi 'nta faccia
e pari ca fussi... suduri
di nivi, ca scinni, ca scinni...
arriva cca ssutta e poi? ... sali
e sali, muntagni di sali...
Chi vita scipita 'nt'o sali!
Renzu Barbera
Albertu Piazza
Nessun commento:
Posta un commento