AMICIZIA di Armando Carruba

Diciunu l'amicizia è cchiù dill'amuri?
e ju nun ci vuleva cridiri mai
amuri è amuri e nun si discuti
amicizia chi è, sulu dari saluti?

Cu tia, bedda, ci fu 'n gran amuri
di chiddi ca nun si ponu mai cuntari
ca mancunu 'i paroli l'ha pruvari
m'arrialasti gioii a mai finiri

Grazii ti lu dicu ccu tuttu 'u cori
u sai ca ti vogghiu sempri troppu beni
ma n'arreri nun putemu cchiù turnari
ni facessimu sulu tantu mali

L'amicizia nostra è cchiù di 'n amuri
pirchì l'amuri nui lu canuscemu
accetta st'amicizia ccu tuttu cori
ca lu beni miu ppi tia è sinceru.

(scritta il 9 nov. ore 13.00)