CHIDDA NOTTI DISIATA - popolare -

Chidda notti disiata

Quannu Diu vinni a lu munnu                                        
fu la notti la cciù scura                                                  
fu la notti la cciù scura.                                                
c’a cuntalla mi cunfunnu                                              
comu dici la scrittura                                                    
comu dici la scrittura.                                                     

E Maria la Bedda Matri                                                

caminari nun putia                                                      
caminari nun putia.                                                      
San Giuseppe cci dicia:                                                  
“Arripuositi Maria,                                                      
arripuositi Maria.                                                                      

Spusa mia nun dubitari    

nun aviri mai paura   

ccu l’amici e li parienti                                                     

ca l’amici e li parienti,                                                  
nun nni puonu abbannunari                                            
lu rizziettu n’han’a dari                                              
lu rizziettu n’han’a dari”.                                              

Chidda notti disiata                                                  
ca nasciu lu Verbu eternu                                              
ca nasciu lu Verbu eternu.                                          
E lu friddu a Lui sacratu                                                
ralligrau lu friddu ‘nviernu                                            
ralligrau li friddu ‘nviernu.                                           

Diu è natu ‘nta ‘na ‘rutta                                            
‘nta ‘na ‘rutta ‘bbannunata                                            
‘nta ‘na ‘rutta ‘bbannunata.                                          
Ha’ nasciutu lu Bammineddu                                        
‘mmenzu ‘u voi e l’asineddu                                            
‘mmenzu ‘u voi e l’asineddu.                                                  

Chi nuttata r’allegria                                                    
chi ci ha’ statu ‘nta ‘dda ‘rutta                                        
chi ci ha’ statu ‘nta ‘dda ‘rutta.                                      
Tutti trini ‘n cumpagnia                                              
Gesù Giuseppi cu Maria                                                  
Gesù Giuseppi cu Maria.