SOLICHIANEDDI - Vigo - Raccolta amplissima

SOLICHIANEDDI (1)

Ta', che massaru lu me' scarpareddu
quannu a li scarpi duna lu puntiddu!
Du' uri pri circari 'u cannaveddu,
tri uri pri turcìri lu fusiddu,
quattr'uri pri circari lu marteddu,
cinc'uri pri chiantari lu chiuviddu.
Ivi! ca mi scarau lu jurniceddu!...
Dumani nni susemu pristuliddu.
Lagnusu cci dici a lu scarparu!
Lagnusa cci si tu, fatta a lu scuru:
vidi quant'è pulitu lu scarparu,
ca mi travagghia notti e jorna sulu:
sunnu quattr'uri e nn'ha 'llistutu un paru,
sunnu di sita arraccamati d'oru:
la sita mi la detti lu sitaru,
e l'oru mi l'ha datu vostra soru.

Vigo - Raccolta amplissima

(1) - SOLICHIANEDDI Quelli che rattoppano le scarpe rotte. ciabatte etc. ciabattino (da sola e chianedda)