'U SANTU DD' 'ARMALI 'I CASA
Sant'Antoniu è macari 'u prutitturi d'armali 'i casa, tantu ca è stampatu vicinu a un purciduzzu 'o coddu.
'U 17 jnnaru 'a Chiesa binidici l'armali e i staddi mittennuli sutta 'a prutizioni 'i Sant'Antoniu.
'Sta tradizioni dda' binidizioni di l'armali (particulari i purcidduzzi) nun è liata 'o Santu, ma nasci 'ntò Mediuevu in terra todisca, quannu si usava ca ogni villaggiu addivava un purciduzzu da rialari 'o 'Spitali, unni davanu aiutu 'e malati i monaci 'i Sant'Antoniu.
I purciduzzi eranu liberi liberi ppe' strati, e tutti ci davanu 'a manciari e nuddu mai e poi mai si pirmitteva di rubbarini unu, pirchì Sant'Antoniu s'avissi vinnicatu culpennulu ccu 'na malatìa, anzichè guarillu.
Secunnu 'na liggenna 'ntò Venetu, 'a notti ddo' 17 jnnaru, l'armali 'ntè staddi parrunu e i contadini nun hanu a sentiri manzinò ci capitanu malanovi!!!
A Milena, prov. Caltanissetta, 'a festa si fa in Austu, quannu ci ssù 'ntò paisi l'emigranti. Si ricogghiunu 'i "Prummissioni" in natura 'ntà tuttu 'u paisi ccu mule parate a feste, ccu brigghi, visazzi, selli novi e purtate 'u jornu dda' festa 'e porti dda' Chiesa.
Autru contributu vineva dda' vinnita ddo' "purciduzzu du Sant'Antoniu". L'armalu vineva lassatu libberu di nicu e crisciutu da tutta 'a pupulazioni ca 'u canusceva ppi 'n tagghiu c'aveva 'nt'aricchia.
'Sta tradizioni si persi 'ntò tempu... W S. ANTONIU prutitturi di l'armaleddi !
Nessun commento:
Posta un commento