Si cunta e macari si ricunta,
senza mai mittirici 'a junta...
Ca una sira d'invernu friddusu
tucculiarunu a Bifana jusu
tri picciotti, ca erunu i tri Ré,
spiannu alla vecchia: "Gesù unn'é?"
E 'a Bifana 'a strata indicò;
nu Ré, a coppu, ccu iddi l'invitò
ma idda si truvò a rifiutari
pirchì havìa cosi di sbrigari.
E i tri Ré salutannu parteru
ca era troppu longu lu camminu,
si misunu 'ntà testa 'u cappeddu
ci desunu manciari o jamiddu
Ristannu sula pinzò 'a Bifana
ca era megghiu se ccu iddi jeva
ma camina camina nun li truvò
e 'nté porti di li casi tucculiò.
Rialeddi ppi tutti picciriddi
cravuni ppi autri disculiddi
'ntà spiranza d'incuntrari a Gesù
e di tannu nun si firmò mai cchiù.
Se tu metti ppi casu 'a quasetta
nun sai mai chiddu ca t'aspetta
s'ha fattu bravu cosi beddi duci
cattivu, cravuni e mi dispiaci.
Chista è 'a Bifana cu la scupa
brutta vicchiazza tinta e fitusa
e cci nn'è di Bifani 'nta 'sta terra
ca si sentunu megghiu di 'na stidda
Armando Carruba
Nessun commento:
Posta un commento