EMIGRANTI di Maria Agrippina Amantia

EMIGRANTI
Che toppi no culu, parti
e c'un purtusu no cori
stancu di sentiri i to figghi lamintari
na sta terra ca nun ti voli mantiniri
mancu se ti fai i caddi
ne manu e ni li pedi
sta terra china di suli
ca s'inni futti di lu tò suduri
sta terra ca tu a vò beni
come se forra tò matri ca ti fici
ca t'inni manna, nun ti duna paci
nun ti senti, nun ti ferma
ti lassa iri...
Sicilia, Sicilia,
uciava dintra lu me cori
milli cutedda, milli lami,
mentri u trenu ca curria
m'alluntanava d'inni tia
terra svinturata,
fatti dari na vasata
nun rispiru forti e longu
appena puozzu jiu ritornu.

maria agrippina amantia