PAZZII D'AMURI di Maria Agrippina Amantia

PAZZII D'AMURI

Taliu lu mari carmu stamatina,
mentri ancora l'aria è frizzantina.

M'incamminu ora sula, sula,
sugnu cu tia, cu li me pinsera.

Ripensu sempri a li sceni di dda sira,
supra du lettu di rina liscia e fina.

Dda stanza senza mura nè misura,
ddu tettu chinu di stiddi e di muddura.

Dda luna ca facieva la ruffiana,
ogni tantu s'ammucciava e s'astutava.

Pensu a quantu voti mi vasasti
dda vucca tò, a tutti banni la passasti.

Mentri pensu, pari ca ti sentu,
i tò paroli duci mi livarru lu scantu.

Prufumatu era lu to sciatu,
la tò lingua sapia di meli ambratu.

Spugghiati tutti, li corpi addumati
ficimu di tuttu p'avilli astutati.

La matina vinni..lu suli spuntò,
tu mi dicisti: chi fu bellu amò!

maria agrippina amantia