P'UN PUNTU MARTINU PERSI LA CAPPA di Armando Carruba

P'UN PUNTU MARTINU PERSI LA CAPPA

Si cunta e si ricunta, senza mittirici junta, ca Martinu era un monacu ca vuleva éssiri priuri ddo' ssò cunventu. Un jornu ci dissuru di scriviri supra 'a porta dill'entrata 'sti paroli 'n latinu:

PORTA PATENS ESTO. NULLI CLAUDATUR HONESTO

chi voli diri: "A porta (ddò cunventu) resta aperta. Non si chiudi a nudda pirsuna onesta".
Però Martinu sbagghiò a méttiri 'u puntu, e scrissi:

PORTA PATENS ESTO NULLI. CLAUDATUR HONESTO

ca inveci voli diri: "'A porta resta aprta a nuddu. Si chiudi a pirsuna onesta".
Pi 'stu puntu misu a malu postu, fra Martinu nun divintò priuri ddo' sò cunventu, e si dici:

"P'un puntu Martinu persi la cappa!"