SICILIA MIA
Chistu è lu cantu miu chinu d'amuri,
ppi la me terra sempri china e suli.
ppi la me terra sempri china e suli.
Pi chista terra circuntata di lu mari
ca notte e jiornu a vasa e s'a pussedi.
ca notte e jiornu a vasa e s'a pussedi.
Tu nu sai nenti di li so culuri,
de so muntagni virdi, e de sò sciuri.
de so muntagni virdi, e de sò sciuri.
Di li zagari e di li so jiardini,
de limiuna, di l'aranci e ficurinni.
de limiuna, di l'aranci e ficurinni.
Nun sai di la sò forma triangulari,
di ogni latu ch'è particulari.
di ogni latu ch'è particulari.
De voti talii e ci su sulu scugghieri,
petri puntuti comu li pugnali.
petri puntuti comu li pugnali.
Poi t'alluntani sulu na t'anticchia
e rapi la ucca ppi la meravigghia.
e rapi la ucca ppi la meravigghia.
Vidi distisi ranni di la rina,
de voti jianca e de voti a pitrina.
de voti jianca e de voti a pitrina.
De so ricchizzi ora ti vogghiu parrari,
di lu frumento di racina e pumadori.
di lu frumento di racina e pumadori.
Di mennuli, fastuchi e di l'alivi,
di li cakì, pipuzzi e mulinciani.
di li cakì, pipuzzi e mulinciani.
Di l'erbi virdi ca crisciunu spuntanij,
di finucchieddi, amaredduzzi e agiri.
di finucchieddi, amaredduzzi e agiri.
Cardedda, sinapedda e borsa di pasturi,
mangiati maritati ti fannu arricriari.
mangiati maritati ti fannu arricriari.
Di li so città ni putemu parrari,
ricchi di monumenti e opiri rari.
ricchi di monumenti e opiri rari.
Casteddi, villi e palazzi riali,
tistimunianzi di civiltà ancistrali.
tistimunianzi di civiltà ancistrali.
Sunnu accussì assai li so vanti,
nun m'abbastassi lu spaziu c'haiu davanti.
nun m'abbastassi lu spaziu c'haiu davanti.
Ni la me terra sempri è primavera,
russa e gialla è la sò bannera.
russa e gialla è la sò bannera.
Russu comu lu focu di lu so vulcanu
giallu comu lu nostru granu saracenu.
giallu comu lu nostru granu saracenu.
SICILIA è lu nomi ca si porta,
china d'onuri e nun è mai morta.
china d'onuri e nun è mai morta.
maria agrippina amantia
Nessun commento:
Posta un commento