E lu cori mi batteva,
ppi tia catanisa duci
figghia 'ill'Etna...
Primu 'ncontru
a machina manciava
strata e strata...
Pruserpina m'arrirìu
'a Stazioni...
'n coppu 'i cellulari
e ti vinni a truvari
Bedda ca di li Beddi
ssi sempri 'a Bedda
Ccu dda' vuccuzza
culuri 'i cirasa
e l'occhi duci di carusa
Bedda, rirennu
trasemmu 'ntà libriria
e ju giuiuzza taliavu a tia
Mani ca si stringevunu
affruntusi, l'occhi lucevanu
poi 'u tempu finiù
e ti lassai a firmata
bedda ancora nun sai
mi trasisti 'ntò cori.
Scinennu a Stazioni
a to' chiamata...
Uccia, amuri 'a storia
d'amuri è cuminciata
Armando Carruba
Nessun commento:
Posta un commento