Ju criru a Diu Patri Onniputenti
ca criò celu e terra 'n tempu nenti!
E Cristu nostru Signuri, criru
unicu figghiu sò!
Ccu chianti e ccu lamenti
Maria l'ha giniratu.
Murìu sutta Pilatu
'ntra 'na cruci 'nchiuvatu
e sippillutu.
A lu Limmu à scinnutu
ppi l'amicuzzi sò,
Lu terzu jornu po'
risuscitau!
Di poi 'n celu acchianau
la seggia si pigghiau
di lu Patri s'assittau
a manu 'ritta.
Comu un giudici di vinnitta
chi n'havi a giudicari
li boni ha primiari
li tinti ha castiari
'a l'eternu chiantu.
Criru 'o Spirdussantu
la Chiesa cu li Santi
'n cumpagnia . e accussì sia.
(Da una raccolta di preghiere siciliane di Milena prov. Caltanissetta)
Nessun commento:
Posta un commento