“La raggia di lu mari”
(La tragedia nel Mediterraneo)
È troppu! Puru pi l’immensu mari,
ca cu l’unni mòvi a nènia lu cantu
di morti, e ni fa a tutti arricurdari
ca nun è curpa sò, tuttu stu chiantu!
Chiantu di tanta genti ‘nta lu munnu,
speci pi ddi nicuzzi: acerbi ciuri
ancora nni la varca misa ‘nfunnu,
china di tanti poviri criaturi,
ca l’occhi so’ nun vìdunu chiù luci
né terra, suli e celu ricamatu
di stiddi, cu la luna ca straluci;
lu sognu ‘i nàutra vita assai circatu
finì d’intra ‘na cascia cu ‘na cruci,
cu ‘a scritta“scunusciutu d’àutru Statu.”
Santo Grasso
tribàLe
Nessun commento:
Posta un commento