'NA VOTA - Maria Agrippina Amantia

                                      La bravissima poetessa Maria Agrippina Amantia

NA VOTA

Na vota mu riuordu scrivia puisia,
no, ppi li genti, sulu ppi mia.
Scrivia tutto, di chiddu ca pruvava,
dintra di mia , nenti ci ristava.

Scrivia di mennuli, e di sciuri,
di Bammineddi e di Signuri.
Scrivia di Patri Puglisi, di Pippinu 'Mpastatu,
di comu morsiru ammazzati.

Scrivia d'ingiustizia, di tiempi affannati,
di malacarni e scanazzati.
Scrivia puri di poviri 'nuccenti,
c'appizzanu la vita ppi sarvari li genti.

Tanti voti, sti puisia,
sarvari, li vulia criditi a mia!
Poi li taliava, mi dicia,
ma chinn'ha fari! eccali, via!

A ccu nteressanu? cu tutti sti problemi,
cu perdi tempu a leggiri poemi?
Sunnu tutti cca, ni la me menti,
E li strazzava, immidiatamenti.

Ora m'aviti a diri, sinceramenti,
secunnu vuatri, ma c'ha canciatu? nenti.
A chi servi scriviri puisia,
se nun ti cancia a vita nè a tia, nè a mia?
Maria Agrippina Amantia