LU CANTU DI LA GENTI di Francesco Rapisarda

LU CANTU DI LA GENTI

Curri lu suli

p'addumari lu celu.

Com'è lentu lu so passu

supra li nostri avvirsità!

Currunu li pinzeri,

'mpastati di vita,

(cu la pantaciata e chini di duluri

caminanu li nostri uri),

curri la notti

e si trascina li stiddi

di la nostra menti:

si trascina lu munnu!

Curri la vita

e a lu so tramuntu

supra la terra

nun spunta chiù l'alba.

Curri lu suli

p'addumari lu celu...

Ma supra la terra

nun spunta chiù l'alba!

Francesco Rapisarda