FIGGHI DI SICILIA di Maria Agrippina Amantia

FIGGHI DI SICILIA

Mentri vicinu o mari caminava
stamatina sula, sula jiu pinsava.

Taliava li muntagni e li vadduna
lu mungibeddu cu la fumarola.

Lu cori mio però era tantu aflittu...
pirchì? ci dumannava a la me terra,
cu sti meravigghi,
s'hanna alluntanari li to figghi?

Diu! jiu dassi la me vita, tutta,
se sirvissi a dariti na botta,
pi tenili comu li puddicini
tutti sutta l'ali di la sciocca.

Inveci? tutti sparsi ppi lu munnu
misi n'cruci a fari sacrifici,
terra n'grata li senti li so vuci?

Tutti li nostri menti cchiù putenti
si li godunu l'autri cuntinenti.

Arrusbigghiti terra d'amuri!
li to figghi sognanu li to sciuri,
li to profumi, li to culuri.

Isa la testa, trova soluzioni,
falli turnari cca, stringili forti,
tienili stritti, finu alla morti.

maria agrippina amantia