Ti tegnu 'ntò me' cori
vecchia e cara Sarausa
circundata da lu mari
terra duci e ginirusa.
Ju nascìu 'ntò quarteri
unni c'è S. Lucia
quantu beni ca ti vogghiu
cara e vecchia Ortigia mia.
Ju nascìu unni lu mari
canta sempri li canzuni
e vecchi assittati
arricugghiunu pinzeri.
Picciriddi ca currevumu
scappannu ppe' vaneddi
cche' matri ca chiamavanu
ca lu scuru era a feddi.
E cco' scuru ddà notti
'ntà st'isula amata
si sintevunu 'i tocchi
ddo' 'rrologgiu 'a 'Mmacculata.
Nun vi pozzu mai scurdari
casi ddo' quarteri miu
e vegnu a passiari
pirchì è forti 'u disìu
di quann'era picciriddu
ccu ddi vuci di me' matri:
"arricogghiti curtuteddu
prima ca veni to' patri!"
E me' patri quannu vineva
ci bastava 'na taliata
nun 'u sacciu comu faceva
mi liggeva 'a jurnata!
Armando Carruba
ORTIGIA
Ti tengo nel mio cuore
vecchia e cara Siracusa
circondata dal mare
terra ricca e generosa.
Io son nato nel quartiere
dove c'è S. Lucia
quanto bene che ti voglio
cara e vecchia Ortigia mia.
Io son nato dove il mare
canta sempre le canzoni
e vecchi seduti
raccolgono pensieri.
Bambini che correvamo
scappando per vicoli
con le madri che chiamavano
che il buio era a fette.
E con il buio della notte
in questa isola amata
si sentivano i rintocchi
dell'orologio dell'Immacolata.
Non vi posso mai scordare
case del quartiere mio
e vengo a passeggiare
perchè è forte il desiderio
di quand'ero bambino
con le voci delle madri
Ritirati cornutello
prima che viene tuo padre!
E mio padre quando veniva
ci bastava uno sguardo
non so come faceva
mi leggeva la giornata.
Armando Carruba
Nessun commento:
Posta un commento