LEGGENDA DDE DDU FRATI di Arturo Messina

Ci sono degli scogli a Siracusa, che hanno dei nomi affibbiati, per esempio lo scoglio a carabiniere lo si deve alla sua forma di cappello di carabiniere in alta uniforme, 0u scogghiu a tabella perchè sembra una lavagna, etc. Questo è 'u scogghiu dde ddu frati e in realtà sono due scogli uno grande e l'altro piccolo, e dai tempi dde canonici 'i lignu si racconta questa leggenda riportata in versi dal mai dimenticato prof. Arturo Messina.

‘A LIGGENDA D’’E DU’ FRATI

E’ tantu beddu ’u mari ’i Sarausa!
E’ tantu beddu ma tradimintusu
Comu ‘na rara fimmina attraenti
v’alletta e v’arruvina ‘n tempu ‘n nenti!
Pirciò, nun vi fidati, stati attenti!
Ci su’ du’ scogghi a mari a Sarausa,
vicinu a la cuntrada ‘i Mazzaruna:
“ I scogghi d’’e du’ frati ” su’ chiamati
pi ‘n fattu ca successi pi daveru
a ca cummossi tuttu lu paisi
Lu scogghiu chiù nicuzzu era ‘n carusu
ca ‘n jiornu arruzzulau di la scugghiera:
vicinu, lu fratuzzu granni c’era,
ca appi lu curaggiu ‘i si jittari;
ma l’ unna l’ agghiuttìu e lu fici anniari
Mari, tradimintusu e tristu si’!
Ridi, ma appoi ‘mpazzisci, ma pirchì?
Quanti figghi di matri tu arruvini!
Pari accussì ‘nnuccenti lu matinu,
m’ appoi addiventi tantu peggiu di Cainu
e a cu’ si fida ‘i tia tradisci e nun hai pena!
Ora, ‘n menzu a lu mari, li du’ frati
du’ scogghi su’ d’ allura addivintati:
pari comu si fùssunu abbrazzati,
pi diri a tutta ‘a genti ca l’ amuri
nun sapi sacrifizi né duluri
Ma l’unna c’agghiuttìu li du’ criatura
di ‘ssu dilittu infami ‘un s’ha’ pintutu:
aspetta ca zoccu autru s’ avvicina
‘nta ‘ss’acqua c’ accussì ‘mpruvvisa muta
e ‘n mostru t’ addiventa ‘n tempu ‘n’ura!

Arturo MESSINA