FOTO - Marzamemi (SR)
C’è ‘n picculu villaggiu
nta 'na laguna a mari
cu quattru casi viecci
ci stanu i marinari.
Tutti li siri partunu
cu barchi e bastimenti
a la Balata scinninu
cu Tunni,alici e Rientici.
L’acqua diventa russa
di fuocu pari addumata
‘a mmâtinata arrivunu
i varchi che pisci Spata.
'A notti mi nì vaju
cu la lampara a mari
taliu quant’è filici
'a luna ca ma rriri.
Sonnu tanti ricchizzi
nto funnu ri lu mari
ma tutti sti biddizzi
tu sulu mi puoi dari.
Sebastiano Giuga
Nessun commento:
Posta un commento