ASPITTANNU SANTA LUCIA - armando carruba -

SARAUSANA JE' ! EBBIVA SANTA LUCIA!

Mancanu deci jorna a Santa Lucia, e 'na vota ogni sarausano si priparava ppa' festa....

COSI 'I SANTA LUCIA

'U CUSTURERI

'Ntà  'sti jorna, 'nt'anni passati, c'era 'na nibbìa ca nun ti cuntu e nun ti dicu, ppi tutti ddì sarausani ca si stavanu facennu fari 'u vistitu ddo' custureri e ancora nun era finutu.

Difatti ppi Santa Lucia era tradizioni 'ncignari 'u vistitu novu fattu dde' megghiu custureri da citati, macari ppò fattu ca chiddi accattati 'ntò negozii custavanu chiossai!!!

Eunu 'i tempi quannu ancora c'era "'u vistitu dda' duminica" ca era 'u vistitu cchiù beddu ca unu aveva ntà l'armadiu e si mitteva a duminica e i festi.

Oggi semu sempri vistuti di duminica e nuddu cchiù si fa pigghiari i misuri ppi 'n vistitu novu e mancu ppi 'n paru di scarpi di chiddi cco' surci del tipo uscite dalla bottega ddò scarparu, 'ntò caminari facevunu ziu ziu....

Ebbiva Santa Lucia!