E FU NATALI di Giuseppe Barbagallo

E FU NATALI

E nascìu lu bamineddu
'nta 'na rutta 'nta lu friddu
lu quarìa 'nu sciccareddu
cu' lu voi e 'n agneddu

L'agniduzzu fa be be
e nascìu 'u Re re Re

'Na stidda fu mannata
cu' la cuda assai splinnenti
pi' 'nzignarici la strata
'a li Magi a tutta 'a genti

L'agniduzzu fa be be
e nascìu 'u Re re Re

Cu purtava 'na cruvedda
cu sunava 'a ciaramedda
cu la pagghia po' giacigghiu
pi' Gesù dilettu figghiu.

Ca 'nto munnu fu mannatu
ri lu Diu sacramintatu
pi' livarini li mali
e po' munnu fu Natali !

L'agniduzzu fa be be
e nascìu 'u Re re Re.