Oh luna 'ntò celu
parravi o' sò cori
ccu paroli d'amuri
pittannu culuri.
Parrasti, parrasti
ed idda ascutava
l'amuri cantava
'a cuntintizza sò...
O fineru i paroli
o finìu d'ascutari
nun c'è cchiù l'amuri
e mancu tu...
Ristò 'n celu
ccu tanti stiddi
ca sunu riordi
di picciriddi
Ristò 'u suli
ca quarìa a matina
e 'u riordu
di 'n amuri ca fu
Armando Carruba
Nessun commento:
Posta un commento