SCRIVERE D’AMORE…
Vulissi tantu scriviri d’amuri
ma non ci provu l’aju a cunfissari
picchì fusti cchiù ranni di lu mari
e a nostru Diu sugnu debituri…
ma non ci provu l’aju a cunfissari
picchì fusti cchiù ranni di lu mari
e a nostru Diu sugnu debituri…
Mi resta sulu ‘a razia ‘i ricurdari
nu volu di farfalla ‘nta li ciuri
baci,carizzi,affettu e lu duluri
chi mai mi passa pî mi cunsulari…
nu volu di farfalla ‘nta li ciuri
baci,carizzi,affettu e lu duluri
chi mai mi passa pî mi cunsulari…
E sugnu cca, me gioia, a dumannari
cû li me dubbi e tutti li rimpianti
si la sulizza basta a ricambiari
cû li me dubbi e tutti li rimpianti
si la sulizza basta a ricambiari
l’amuri chi mi dasti e si me chianti
sunnu capaci pî ti dimustrari
chi fusti e sini l’unica impurtanti…
sunnu capaci pî ti dimustrari
chi fusti e sini l’unica impurtanti…
10 gennaio 2015 Tano Raneri
Nessun commento:
Posta un commento