'U SCECCU E 'U MULU sintuta da u Zù Cicciu

Nu sceccu carricu di pagghia, si firmò 'ntà timpanu ca era stancu e avia siti, e a un mulu bendatu ca giriava e furriava in cuntinuazioni ci dissi: "Ti ringraziu  cucinu mulu dill'acqua ca mi duni a viviri, pirchì sugnu pappiddaveru stancu e mi riposu anticchia arrifriscannumi u cannarozzu!
"'A purtasti a pagghia?" dumannò 'u mulu " ca havi 'na jurnata ca giru e furrìu tunnu tunnu e nun vidu anima viva... liatu a 'sta stanga, 'o scuru, sempri 'na musica 'u gichigichi 'i 'na rota ca girìa e 'u ciuciuleu di 'na catena ca jetta sicchi d'acqua... e nenti robba 'i manciari!
"'A pagghia a purtai cucinu mulu, 'a purtai e cci nn'è ppi na para di jorna, e di sicuru stasira manci. Ju eru stancu e avevu siti, ora m'haju ripusatu e rinfriscatu, e du doppu 'na jurnata 'i travagghiu, 'sta sira livi manu e... ddu manati 'i pagghia ca t'haju purtatu ju. Nuautri travagghiaturi semu fatti accussì ca ni consideriamu unu contru l'autru, n'aiutamu comu putemu e ni cumpatemu, tu mi duni l'acqua e ju ti portu 'a pagghia: n'aiutamu ppi cuntinuari a campari e soffriri... d'autu cantu lu sai cucinu mulu, hama nasciutu ppi dari 'u culu!!!"