FIGGHI di Armando Carruba

I figghi ssu comu i cumeti,

'n jornu  dumannanu filu

tirannuti 'a manu,

e tu alleggiu alleggiu

ci lu duni...

tinennuli ccu ddu filu

ca curri a autra vita.

Ponu cariri 'n terra,

e tu li jisi 'ntò ventu

sempri cchiù autu.

Vonu  cchiù spagu
ppi vulari 'ntà vita
e quannu t'adduni
d'aviri nenti 'ntè manu
'u cori si jinchi d'amuri...
tò figghiu abbola senz'ali
e tu campi filici...

Armando Carruba