STRAMMUOTTU RI CANNALUVARI

Sursa maccu su' li rausani
ccu beddi mànniri e bedda massaria;
a Scìchili li Turchi e li Cristiani
a Nuotu ppi tri parti scuggh...;
li pachinisi ccu l'uocci cacati,
ppi gghiuocu e ppi minzogni n' c'è li pari;
muntirussani, cajorsi 'mputati,
ci arròbbunu a li scecchi lu manciari;
a Spaccafurnu c'è lu Cicunatu
'ugghiunu comu muschi li majari;
caca vicci su' li cumisani;
Muòrica, lapardieri e 'mpastapani;
Avula, abbuttatura ri minciuna;
Saraùsa, cu' vo' lu megghiu vinu;
a Vittoria ppi li ran citrola
a Scichili cu' vo' li ronni a prova;
lu pani jancu lu trovi a Rausa;
cciù nuri ca vistuti a la Licata;
vièrtuli sicchi su' li bucchirisi;
li muricani, senza sentimientu,
ni la missa si mintunu a friscari
e mancu n'ura senza marturiari;
Gghiarratana, 'nzunzieddi a Carnavali;
a Austa la rugna junti junti;
cu' vo' lu Patr'Eternu va a Mùrriali
cu' vo' ran festa vegna a Ciaramunti

(TROVATA IN UN VECCHIO CALENDARIO SICILIANO)