SANTA LUCIUZZA 'I MAJU Armando Carruba

SANTA LUCIUZZA 'I MAJU

'A fami a Sarausa 'ranni era
Santa Lucia chistu 'u sapeva
e ppi suddisfari 'a pupulazioni
fici arrivari granu cc''n papuri
Milliseicentuquarantasei
chista è 'a data signuri mei
quannu 'u viscuvu 'n Cattidrali
arriccugghìu tutti 'i fidili
E prjiavanu a Santa Lucia
ccu firvuri ca l'armuzza sintìa
quannu 'na quagghia 'ntà ddà cunfusioni
'ntò viscuvu si pusò 'e sò pedi
'Na vuci 'ntò frattempu ca dicia
'ntò portu c'è granu viva Lucia!
Curreru tutti pari ppi la fami
finìu 'u populu di suffriri
Ppi 'sta ragiuni 'ntò misi di maju
oltri 'na festa ora ti lu dicu
palummi abbolanu 'nti la chiazza
e a prima duminica è festa

Armando Carruba