'A LUNA CHIANGIU ... di Armando Carruba

'A luna chiangiu
dda' sira
quannu cadisti
'nté me' vrazza
comu 'na pupa
ca ci muddaru
i fili ca 'a tinevunu
attaccata  'a vita...
'A luna chiangiu
'ntà sira 'i S. Rita
e curremmu 'o 'spitali
ppi 'ncucchiari
ddi fili di n'esistenza
spinnuta 'n amuri
'i famigghia.
Pupi semu tutti
Pirandellu 'nsigna
e sugnu cca'
a taliari 'a luna
disiannu 'o scuru
d'ascutari 'a to' vuci.

Armando Carruba (22/5/2016)

LA LUNA HA PIANTO - La luna ha pianto/ quella sera/ quando sei caduta/ nelle mie braccia/ come una pupa/ a cui hanno mollato/ i fili che la tenevono/ legata alla vita.../ La luna ha pianto/ nella sera di S. Rita/ e corremmo all'Ospedale/ per unire/ quei fili di un'esistenza/ spesa in amore/ di famiglia./ Pupi siamo tutti/ Pirandello insegna/ e sono qua/ a guardare la luna/ desiderando/ d'ascoltare la tua voce.