LA FAMIGGHIA
Trova la vita mia sulu riparu
quannu la sira 'n casa mi ritiru
stancu d'ardenzi ca non mi la firu
disiddirusu di lu fucularu.
Mentri ca fazzu lu travagghiu amaru
ammuttu l'uri quantu prestu viru,
me' mogghi cu li figghi, quantu a giru
li vasu a tutti ccu 'n affettu caru.
Mutu m'assettu a tavula cunzata,
,i mettu la cchiù nica a li dinocchia
mangiannu dda minestra travagghiata.
E mentri mangiu guardu a li tisori
ascutu la cchiù nica ca 'mpapocchia...
...non c'è filici cchiù di lu mé cori.
Giuseppe Vitale
Nessun commento:
Posta un commento