Vinni 'a sira a' Marina
aria frisca di mari
assittati 'nté spadderi
ddé sidila 'i ferru.
'A sira purtò a' Marina
ristoru dopu 'u travagghiu,
spiranzi d'amuri
'ntà ciauru 'i gelsuminu.
Vinni 'a sira a' Marina
e li matri chiamaru 'i figghi
li varchi jeru alluciari 'u mari,
l'unna s'annacò.
Vinni 'a sira a' Marina
e 'i me' pinzeri
si visteru a festa
ccu 'a gioia d''n carusu.
Armando Carruba (4-6-2016)
Nessun commento:
Posta un commento