'
'Na vota jeva un jocu chiamatu "'u fazzulettu". C'hamu jucatu tutti quann'erumu picciriddi. S'aveva a pigghiari "'u fazzulettu" purtallu a casa senza farisi tuccari dall'avversariu. Si jucava 'ntà campu, delimitatu, divisu a mitati da 'na linea, un signu 'nta' terra tracciatu ccu' semplici lignu o cc'un cocciu 'i cravuni, se u campu era a strada asfaltata. I jucaturi eranu divisi in ddu squatri di pari nummiru si si mittevunu su ddu linii misi alla stissa distanza dda' linea cintrali. Chiddu ca tineva 'u fazzulettu, ristava fermu alla linea centrali ddo' campu.
Ogni jucaturi e 'u so' avversariu, era individuatu da 'n nummiru.
Quannu 'u nummiru vineva chiamatu, i ddu jucaturi corrispunnenti a ddu nummiru, di cursa jevunu 'ntò fazzulettu, senza però supirari a linea centrali ddo' campu (manzinò era eliminatu) cercannu di pigghiari 'u fazzulettu e riturnari i unni avia vinutu, senza 'ssiri tuccatu dall'avversariu. Essiri sperti era, o 'ssiri veloci, cugghiennu 'i surprisa l'autru, oppuru aspittari 'a mossa ill'autru, stannu ccu 'na manu vicinu 'o fazzulettue ccu l'autra arreri a spadda ill'avversariu, senza tuccallu. A li voti si ristava accussì tantu tempu pirchì nuddu dei dui s'arrisicava a pigghiari u fazzulettu aspittannu 'u sbagghiu ill'autru.Quant'erunu beddi i jochi 'i 'na vota!
Nessun commento:
Posta un commento