ORTIGIA di Neli Seguino

ORTIGIA

Ortigia vita mia naca d'amore
splinnenti sutta 'n suli di zicchinu
scugghiera 'ntra lu mari ssì 'n giardinu
nni tia abbunna zagara e ciuri

Ppi lu straneru ssì 'na meravigghia
ppi la ducizza di li tò jurnati
macari quannu è 'nvernu pari 'stati
ppi chissu nudda terra t'assumigghia

Cu parti ci ritorna in primavera
quannu fragranti sbocciunu li ciuri
quannu ogni passareddu fa l'amuri
quannu la tò ducizza in tuttu impera

Ma ogni figghiuzzu tò di pena mori
quannu è custrittu a stari a la stranìa
vivi senz'alma ccu la nustalgia
cc'un gruppu 'n gola e un duluri 'o cori

NELI SEGUINO

Neli Seguino è stato un bravissimo attore siracusano dell'inizio secolo scorso. Recitava in dialetto siciliano, romano e napoletano... e naturalmente in lingua. Era nato in via Maestranza e ci teneva a puntualizzare che era ddo' scogghiu e viveva a Roma. In estate lo prelevavamo simpaticamente e si faceva il giro delle radio locali, suoi cavalli di battaglia ER FATTACCIO di Amerigo Giuliani A LIVELLA di Totò CUMBATTIMENTU DI ORLANDO E RINALDO di Nino Martoglio e altri...