'A TERRA MIA
Sì tantu cantata
ca ssì 'a cchiù bedda di tutti
ccu ddi beddi viduti
e ddu mari brillanti.
Sì fatta di petri antichi
e di vecchi riordi
unni vulissutu riviviri
'u tempu passatu.
Ora, cchiù tempu passa
cchiù vecchia ti fai,
ma li ricchizzi toi
nun vanu pirduti
anzi si fanu
cchiù beddi e novi
e ammirati
di poviri e ricchi.
E tu ssì ccà
bedda, eliganti:
pari 'n armatu autu e putenti
ca tanti amari guerri
cummatti e taci, in silenziu.
E ssì ammirata fra tutti l'autri
comu a cchiù bedda e antica città.
Sarausa !
Pippo Borderi
Nessun commento:
Posta un commento