A ENZO MAIORCA di Arturo Messina

Ho appreso dagli amici di facebook la dipartita di Enzo Maiorca e Siracusa perde un pezzo della sua storia. Il mai dimenticato prof. Arturo Messina per il XII Premio Cultura e Socialità - Oscar della Siracusanità - da lui istituito - nel premiare Enzo Maiorca gli dedicò questi versi:

Culapisci sarausanu si po' diri Enzu Maiorca;
po' appariri, infatti, stranu, quannu 'a maschira inforca,
tuta e pinni, pi calari centu metri 'n funnu o' mari...

Nun si scanta di lu scuru, nun si scanta d''e murini;
lu so' ciatu teni duru, scinni comu li delfini:
E' lu recordman mundiali, quasi quasi batti i squali!...

Ma ccu puru ch'è campiuni, mai la testa s'ha muntatu;
pi nissuna scaciuni lu cirbeddu ci ha' sbintatu;
a Patrizia e a Russanna
la passioni so' tramanna.
Iddu a tutti li spurtivi 'nsigna a 'ssiri hommini veri:
li pirsuni onesti e attivi sunu i veri cavaleri!...

Nun si campa pp'arricchiri ma pp''o làusu sintiri!
Veru làusu nun veni di li beni materiali:
cchiù sudisfazzioni teni cu' havi picca e tantu vali!

E pi chistu Enzu é cuntentu di midagli e cumplimenti.
I pulitici currutti, certi atleti, i palliaturi,
i miliuna hanu a strautti... Enzu 'un havi, havi l'anuri:
e l'anuri a iddu ci abbasta
pirchì é onestu e nun si vasta!...

Arturo Messina
Siracusa - Palazzo Vermexio - 15.X.1992