Na sira, ca già pitittu avia
di lu piattu cchiù duci ca ci sia
ci dumannò ccu modi a mugghieri
s`aveva desideriu ppi l`amuri...
Idda, la mischina, ca ppi cuscienza
stava durmennu ma in circustanza
ci dissi: - "Sì beddu Turiddu miu
pronta sugnu ppi ogni to` disiu!"
Iddu ci rispunnìu: - "A mugghieri
ca ppi pruvari lu veru piaciri
nun ha `ssiri `na balata `i ghiacciu
lamentati sempri a più non possu!"
- Se pirchissu Turiddu, t`accuntentu
`ntà bulletta ddo` gas c`è aumentu
nun ti dicu telefunu e luci...
- Bonu cchiù mugghieri, dormi `n paci!
Armando Carruba (6.6.2016)
Nessun commento:
Posta un commento