E li campani sonanu a festa
ca è duminica e c'è la Missa
e ju assittatu staju pinzannu
ca oggi eni 'u tò cumpliannu!
Nun c'è cassata e mancu cannili
ccò scherzu ca nun si ponu stutari
sulu ciuri 'ntà tò futografia
ricordi di jorna ccu nustalgia
Tu si sempri 'a funti dill'amuri
chiddu veru pi ccu sapi capiri
ni manchi Rosalba a tutti pari
senza i tia nun c'è cchiù piaciri
'U Signuri ti vosi 'o sò latu
e 'ntà 'na botta fu ca ti n'ha jutu
passaru cincu misi e ssu tanti
lu tò riordu è sempri prisenti
Armando Carruba
Nessun commento:
Posta un commento