Chi ti putissi diri Rosa cara
senza tia 'a vita é amara
manca la to' risata genuina
ca dava lustru sira e matina.
Tu ssì funti d'amuri infinita
ppi cui sapi leggiri 'a vita
rialani, sempri, 'u tò surrisu
ora ca ssì sicuru 'n paradisu
Chi valunu 'i sordi e dinari
se 'a vita nun sai accattari?
amuri ppi amuri sempri datu
è granni lu vacanti cc'ha lassatu
'U Signuri ti vosi 'o sò latu
e tu palummedda janca cc'ha jutu
sempri rirennu, comu 'u tò usu
senza fari scrusciu cu 'n surrisu.
Armando Carruba
Nessun commento:
Posta un commento