ATTACCA ìU SCECCU di Armando Carruba

ATTACCA 'U SCECCU...

Cu dici ca 'u travagghiu è beddu
sicuru s'ammuccò 'u ciriveddu
veru ca cu trova 'i travagghiari
campa e nun havi tanti pinzeri

ma 'ntà 'sta vita ca è 'na vilanza
ccu travagghia e ccu 'ratta 'a panza!
tu comu 'u sceccu ssi sempri sutta
ma nun è dittu c'agghiri stotta

Ddo' travagghiu nun ti n'ha occupari
nun ssì pajatu ppi pigghiari peni
pirciò 'u sceccu vai attaccari
unni sempri 'u tò patruni voli !

Armando Carruba (31.5.2016)

SICILIANANDO Armando Carruba

SICILIANANDO

CCA' SUTTA NUN CI CHIOVI
Sotto l'ombrello non piove
... onde per cui:
A MIA MA PONU .... bip bip...
'STU CRIGNU !

FESTA DELLA MAMMA

FESTA DELLA MAMMA

Manca soltanto un'ora a domenica, alla festa della mamma. Parola dolce la "mamma" laddove, diceva la mia maestra di 1 elementare alla GIL di Via G.B.Perasso che si chiamava sig.ra Gallo Tagliafico... bene diceva MAMMA E' QUELLA PAROLA DOVE LE LABBRA SI BACIANO DUE VOLTE! e mi è rimasta impressa questa frase macari ora ca sugnu vecchiu.... Auguri,AUGURI A TUTTE LE MAMME, grazie per tutti i loro sacrifici, spesso non riconosciuti. Beato chi ce l'ha vicino... coccolatevela .... Ma, c'è sempre un ma nella vita se, e sottolineo il se, come dice la canzone famosa che non ricordo, é bello sapere d'essere mamma.... é altrettanto bello sapere d'essere papà??? Guardate chi c'è ccà ... AUGURI MAMME <3

NOTTI BAGGIANA di Francesco Sciuto

NOTTI BAGGIANA

Lu celu si canciò la cammisedda
e si ci 'ncastunò chiù di 'na stidda,
la luna ci va a fa' la passiatedda
vistuta janca comu 'na pupidda,
lu mari si fa scuru e si 'mpannedda,
ogni so' lampa pari 'na faidda;
stanotti luminusa e baggianedda
sublima l'occhi a 'st'arma mia sulidda.

F.sco Sciuto

Dal libro '' Ciraseddi ''

L'OMU 'I CASA Armando Carruba

- Giuvanni, ccu cumanna a' to' casa?
- Carmelu, chi dumanna fai scusa?
- Ma è veru ca tu lavi 'i piatti?
- Certu! 'i bicchieri e li furchetti
lavu 'n terra, tutta 'a robba stiru
ppo' manciari n'arreri nun mi tiru!
- Ma scusa e to' mugghieri Desireè?
- Chi ci trasi? Idda si lava da se!

FILASTROCCA

 · 

PERI D'ARANCIU

Peri d'aranciu comu ti piddisti

pi li mali cunsigghieri!

Ierutu duci e jauru ti facisti

ca ti mancau l'acqua di lu peri.

Ierutu 'n giardinu di tutti billizzi

ci passaunu cunti e cavalieri,

uora sciumi i currenti ti facisti

cu passa e spassa si lava i peri

A Rosalba di Armando Carruba

A Rosalba

Sira ppi sira

ssì ‘nté me’ pinzeri…

E ‘n annu passò

ccu’ riordi,

risati,

amuri…

Tu nun ci ssì

resta ‘a luci

c’addumasti ‘nté cori

‘ntà ‘na fotu

supra a culunnetta.

Resta ‘na vita,

‘a tò,

'nzignamentu d'amuri,

e ‘u to’ riordu

nun mori mai

Armando Carruba

A ROSALBA - Sera per sera sei nei miei pensieri... E' passato un anno con ricordi, risate, amore... Tu non ci sei, resta la luce che hai acceso nei cuori in una foto sopra il comodino. Rimane una vita, la tua, insegnamento d'amore e il tuo ricordo non muore mai.

JORNA di Armando Carruba

JORNA

Jorna cunzati a festa
'i duci mumenti
ccu' sonni scanciati
ca vasanu l'arma
e nun tornanu cchiù.
E ju aspettu a tia
ca tucculìi 0' me' cori
cu 'na risata...
'na parola,,,
'n vasuni

Armando Carruba (10.5.18)

'NSALATA 'I PUPPU Armando Carruba

INSALATA 'I PURPI

'Ngridienti ppi 4 cumpari:
* 2 purpi (nun tantu nichi e mancu granni, 'ntà strata ddo' menzu)
* ògghiu d'aliva
* sucu di quattru o cincu limiuna
* 1 mazzu 'i puddusinu
* sali e pipi

Dopu c'aviti lavato e puliziatu 'i purpi', abbuddatili 'ntà l'accqua caura caura ppi 30/40 minuti. Sculatili, tagghiatili a pizzudda e cunnitili ccu ògghiu d'aliva, sucu 'i limiuni, sali, pipi e puddusinu tritatu finu finu.
E' 'n piattu friddu.

SPIAGGIA di Armando Carruba

SPIAGGIA

Sempri m'ha piaciutu
'a rina fina e pulita
'u scrusciu ddo' mari
'i prima matina

Ti lava 'i pinzeri
asciucannuli 'o suli,
'u stissu ca ti senti 'ncoddu
'a sira ricurdannuti ca cci ssì.

Duci 'stati ...

Armando Carruba

PARRARI 'N SICCU Armando Carruba

MANCU PAJATU!
Neanche se mi pagano

Questa esclamazione "mancu pajatu" viene detta quando ci si propone qualcosa, che per gli altri è piacevole, ma per noi... Un esempio? guarda il video, ju??? Mancu pajatu!!!

PARRARI 'N SICCU - Armando Carruba

STANCA SI' MA SAZZIA MAI

stanca sì ma sazia mai

A significare che non si è mai soddisfatti. Secondo una tradizione, queste furono le parole pronunziate dopo un bestiale exploit erotico bestiale, dalla insaziabile regina di Sicilia e di Napoli, Giovanna di Angiò. 

La regina dopo aver provato un esercito di ubbidienti sudditi, alla fine volle provare un poderoso stallone orgoglio delle scuderie. Dalla frase tramandata, però, si evince che questa bestiale eperienza non soddisfò Giovanna. E questo amplesso ippo-regale è immortalato nella fantasiosa fontana di Piazza Pretoria a Palermo; in mezzo ad una folla di figure allegoriche spicca il gruppo formato dalla regina Giovanna e dal suo patner equino. 

Per questo motivo le donne "mangiatrici d'uomini" si vedono appioppare l'epiteto di "regina Giovanna!"

OVA DI JURNATA Armando Carruba

OVA DI JURNATA

'Na signura truvannusi 'n campagna,
sapennu ca propriu docu si sparagna
spiò a' za Sara ova 'i jurnata
ppi sucari e ppi fari 'na frittata

-"Chisti signura sunu ova spiciali
venunu 'i tutti i banni accattari."
Ma 'a signura ca era diffidenti
ci rispunnìu propriu 'n sull'istanti:

-" Cara za Sara, a mia cu l'assicura
ca st'ova su beddi frischi di jurnata?"
-"'U fattu ca di notti i me' jaddini
dormunu insemi cu li puddicini!"

Armando Carruba

SICILIANANDO Armando Carruba

Beddu spicchiu di mennula amara

Persona che all'apparenza sembra un signore ma in realtà è un fine "sdisonesto"

LU CAVADDU Giuseppe Marraffino

LU CAVADDU C`era un cavaddu di beddi fattizzi baiu di pilatura, e avia un gran passu, era l`invidia pri li soi biddizzi, e quann`iddu niscia facìa fracassu. Lu so patruni ci facia carizzi, lu vulia beni, e l`avia fattu grassu ma `ntra lu megghiu di li valintizzi nna coscia si spizzau `ntra un malu passu.  D`iddu ogni musca si `mpussessa allura, ogni sceccu chiù vili lu rimpetta, ricivi cauci, e muzzicuni ogn`ura cu lu stimava, la sò morti aspetta. O quantu ddu proverbiu m`innamura: All`arvulu cadutu, accetta, accetta. Giuseppe Marraffino

SICILIANANDO Armando Carruba

QUAGGHIARI 'A MENNULA

Lasciare coagulare la mandorla

(Raggiungere la maturità intellettiva e morale, così come nel tempo la mandorla si coagula, si rassoda dentro il guscio, anche il cervello umano segue un identico processo di maturazione - per certuni è impossibile -... o almeno così una volta si credeva o faceva piacere credere)

CHI TI CUNTU E CHI TI DICU Armando Carruba

Carissimi amici, a tutti anche se in questo preciso momento sono le 18,18 BUON 1 MAGGIO! 'U sacciu sarebbe troppo semplice e facile sparare battutte come W la festa del lavoro pirchì ci ficiru bene la festa al lavoro tantu ca nun si trova cchiù... I lavoratori riposano e i disoccupati sta jurnata travagghianu? e via di questo passo. Mi ricordo a Siracusa le tre Organizzazioni sindacali organizzavano i comizi a piazza Archimede... Ed era un bel corteo di canti e bandiere per tutto 'u rettifilu, via 'i Littoriu e piazza Archimede vugghieva ... ma no l'acqua dda' funtana ma di cristiani stritti comu 'e sardi ma cuntenti ! E poi 'nté paisi davanti 'a porta 'i casa era tuttu un tappitu di margherite gialle ... vulissi sapiri se ancora oggi con la tecnologia che avanza a passo di danza c'è qualche paese che ha questa bella usanza. Comunque sia domani, come disse Rossella, è un altro giorno: cu havi u travagghiu travagghia e cu è disoccupato quanto prima ci pensa il nuovo governo.... (Campa cavallo ca l'erva crisci!)

 Auh Fridersenne!

'U CARRITTERI CANTA

 · 

'U CARRITTERI CANTA

Haju 'n tammuru cu li ciancianeddi
'na pistola parata ccu' ddu' baddi
haju 'na vacca cu setti viteddi
po' fari 'n quantità casicavaddi;
tu si bedda ca a tutti marteddi
marteddi a tutti quanti e puru a chiddi
'n mezzu di carni, ugna, vini e peddi
cerchi lu suli, la luna e li stiddi !

(POPOLARE)