Venniri 28 frivaru 2014 S. Rumanu
'U PISCI FETI DI LA TESTA
Pirchì ti lagni si nun c'è murali
'ntra la to' casa e nun c'è mancu affettu?
si li to' figghi su' comu l'armali
tra d'iddi; e a tia nun portunu rispettu?
Crisciunu scrianzati tali e quali
comu criscisti tu, di studi nettu,
e cu' st'esempiu è troppu naturali
ca nun c'è paci sutta lu to' tettu.
L'omu senza cuscenza nè giudiziu
simina ventu e arricogghi timpesta
cui tra lu viziu sta, gènira viziu.
L'esempiu to' tutta la casa appesta,
lu pricipiziu chiama pricipiziu
"pirchì lu pisci feti di la testa!"
Cervantes (Perrotta)
IL PESCE PUZZA DALLA TESTA - Perchè ti lagni se non c'è morale nella tua casa, e neppure affetto? Se i tuoi figli son come animali, tra essi, e non ti portano rispetto? Crescono screanzati tali e quali come crescesti tu, che sei abietto, e col tuo esempio è proprio naturale che pace non vi sia sotto il tuo tetto. L'uomo senza coscienza nè giudizio semina vento e raccoglie tempesta, chi in un vizio sta genera vizio. L'esempio tuo la casa t'appesta. Il precipizio chiama precipizio, perchè il pesce puzza dalla testa.
Nessun commento:
Posta un commento