LA VECCHIA E LU PULICI
L'assolviri dilitti a Malviventi
Non è prudenza, e in prova
L'esempiu di sta Vecchia vi sia in menti
Avia sutta li faudi
un pulici accarpatu, e lu purtava
di lu cummissu esizziu
a daricci supplizziu. Ma lu pulici
vidennusi ntra l'ugna
summissu la prigava:
Bona vecchia pietà; lu fattu è fattu;
ju ti juru, e prumettu
nun muzzucariti cchiù; vogghiu campari,
lassamu sta spietata
vogghia di sangu, in vita ritirata.
Ma la giudiziusa
vecchia rispusi allura:
Ti lassu in vita? Cerca di scattari;
si nun muzzichi, tu nun poi campari.
E dannuci ntra l'ugna un corpu in chinu
sgravau li faudi di stu malandrinu
(Domenico TEMPIO)
LA VECCHIA E LA PULCE - Assolvere delitti a malviventi non è prudenza, e in prova l'esempio di una vecchia resti in mente.
Avea sotto la veste una pulce acchiappata e s'apprestava a darle gran supplizio, la vecchia ch'era stata importunata. Ma la pulce, vedendosi afferrata, sommessa la pregava: "buona vecchia, pietà: il fatto è fatto; ma ti giuro e ti prometto non morsicarti più. Voglio campare, lasciando questa voglia di sangue dispietata, in vita ritirata." Ma l'assennata vecchia allor rispose: "Ti lascio in vita? Cerca di crepare! Se non morsichi, tu non puoi campare". E, damdole con l'unghia un colpo in pieno, le fece uscire le viscere dal seno.
Nessun commento:
Posta un commento