"Munti Piddirinu e Capodorlannu
Biati dd'occhi chi vi vidirannu!"
- - - - - - - - - - - - - - - - - - - - - - - - - - -
Di lu munti di Nasu a la pidagna
comu un brillanti cc'è Capodorlannu,
vasatu di lu mari, chi ristagna
dintra lu Purticeddu arripusannu.
Supra lu Munti Sacru, aspru e tirannu,
la Madunuzza cc'è; idda accumpagna
li marinara 'nviaggiu, 'nta l'affannu
di la timpesta... e sempri li guadagna!
Comu 'na grasta d'agrumi è la Chiana
lu celu codda a Munti Piddirinu,
inchi l'arma la zàgara luntana...
Non pari veru, no, Capodorlannu!
Pari cosa 'sunnata a lu matinu...
Biati dd'occhi chi lu vidirannu!
Giuseppe Monforte Buttà.
(da 'Mbrogghi)
Nessun commento:
Posta un commento